Un Voyage au Coeur de la Méditerranée

Ende las ribas de Mediterranèa, Joanda trai mots, armonias e melodias que nos traspòrtan. Caduna de sas cançons es portada per de bravas guitarras qu'embraçan los instruments singulars de sa tèrra occitana.

Single Gosta la vida!

Gosta la vida!Gosta la vida! es una noveltat, un banh de solelh que nos ven del País d’Òc e que fa de ben. Es ende la mar Nòstra, per la sabla cauda de Lengadòc, que l’autor-compositor Joanda nos convida «al solelh que se colca pas jamai». 
Per aqueste single, Joanda s’es enrodat d’una dream team compausada a la realizacion de Laurenç Guéneau (Sinsemilia, Zazie) e al mesclatge e mastering d’Ubèrt Salou (Inna Modja, Zaz) e de Rafaèl Jonin (Indochine, M).

Gosta la vida! es lo primièr extrach de l’album Entre 2 Mondes de Joanda, amai realisat per Eric Benzi e per Brunò Mylonas. Un album que las ritmicas de las guitarras se maridan amb los instruments que venon del País d’Òc e de Mediterranèa.
Portadas per una paraula a l’encòp singulara e universala, las cançons d’Entre 2 Mondes respiran la Tèrra de tot un pòble e careçan las nòstras aurelhas que son de longa en cèrca de sonoritats nòvas. Coma un viatge al còr del País d’Òc.

Podètz descargar lo single Gosta la vida! en version numerica amb iTunes o BandCamp.

Lo títol Gosta la vida! es estat causit coma títol de l’estiu per lo malhum de França Blau del Sud Mediterranéa e ajustat dins la programacion « Nous on aime ! » del malhum Radio Vinci Autoroutes. Gosta la vida! es difusit sus mai de 140 ràdios nationalas.